"Qol vururuq, istefa qışqırırlar" - Yaşar Vahabzadə

Oxunub: 24 | 21:14 | 27 avq 2022 | Kəpəz

Misli Premyer Liqasının 4-cü turunda "Səbail" "Kəpəz"i məğlub etdi - 4:1.

Oyundan sonra keçirilən mətbuat konfransında qonaqların baş məşqçisi Yaşar Vahabzadə matç haqqında fikirlərini səsləndirib, daha sonra jurnalistlərin suallarını cavablandırdı:

- İlk hissədə üstünlük bizdə idi. Qol imkanlarımız var idi, istifadə etməli idik. İkinci hissəyə pis başladıq, qapımızda qol gördük. Daha sonra öz səhvimizdən ikinci qolu buraxdıq. Sonra qırmızı vərəqə və nəticədə 1:4 hesabı ilə məğlub olduq. Komandam futbol oynamaq istəyirdi. Azlıqda qalanda da müdafiəyə oturmurdular.


- Rauf Əliyev matçın sonunda çox aqressiv idi. Mahmud Qurbanovun üzərinə hücum edirdi. Bunun səbəbi nə idi?

- Futboldu, uduzduq. Qalib komandanı təbrik edirəm. Oyundan sonra belə şeylər xoşagəlməzdir. Mən görməmişəm, amma olubsa, haqq qazandırmıram. Raufa yaraşmaz özündən böyüyə hörmətsizlik etmək. Mahmud Qurbanov Azərbaycanda tanınmış futbolçu olub. Bu məsələni öyrənərəm.

- Gəncəli azarkeşlər sizi niyə qəbul etmir. Bu, gəncəli futbol vereranlarının sifarişidir, yoxsa başqa səbəb var?

- Bu sualı onlara vermək lazımdır. Mən başa düşə bilmirəm. Düzdür, komanda uduzur, istefa qışqırırlar. Amma biz qol vuranda da istefa qışqırırlar. Bakıda "Neftçi" ilə oyunda da. "Neftçi" elə-belə komanda deyil. Onlara qol vurmağa hər komanda çətinlik çəkir. Qol vururuq, istefa qışqırırlar. Bu, birinci dəfə deyil. Ötən mövsüm qələbə qazandığımız oyunlarda da belə idi. Mən özüm də başa düşə bilmirəm. Allah bilən məsləhətdir.



Xəbər xətti

Xəbər xətti